الغراب هايم و طاير
علي العباد ظالم وجاير
الغراب فوق المساجد
بيعاكس راكع وساجد
الغراب خانق إمام
قارفه منعه م الكلام
الغراب ورا كل داعي
للإسلام وحدوده راعي
الغراب علي كوم حديد
نافش ريشه واقف سعيد
الغراب فوق قمح فاسد
والسوس والدود شواهد
الغراب واحد مسيطر
علي سمن وكيلو سكر
الغراب طاير كمان
نط فوق سطح الجيران
الغراب لقي دش طاهر
قال لازم ألغي دى المظاهر
الغراب خربه بإيده
آل يعني الناس دول عبيدو
ساب طبق يا ناس معفن
بالسموم عمال يدندن
حارب ناس ورحمة و رسالة
وساب قنوات الحثالة
الغراب طار ع المدارس
و الفساد راعي وحارس
الغراب طار ع المنابع
خذ معاه كل الزوابع
شعلل علينا كل الجيران
اللي رضيوا من زمان
الغراب عشش خلاص
بس قرب دا الخلاص
الغراب دا أصله واطي
وللحق لازم يطاطي
ومهما كتروا الحدادي
والغربان في كل وادي
العدل لازم يسود
والخير ح يملا الوجود
مع خالص الاعتذار للغراب الطائر البريء
والذي اخترته رمزا لكل فساد